Itanong mo!

Kanina habang nasa lunch break ako (lunch pero 11pm yun haha), at nakikinig ng music sa selepon. Ugali ko nang magpatugtog ng mga kanta mula sa aking cellphone sa tuwing kakain, at kanina nga’y napag-tripan kong patugtugin ang mga kantang.. ang singer/artist ay mga babae lamang. Nag-play ang kantang “What If God Was One of Us” ni Alanis Morissette (isa sa pinaka paborito kong singer na babae ;)). Sabay sa pag-headbang ang ulo ko sa intro ng kanta, at sinasabayan ang “Yeah, yeah, God is great” sabay subo ng kanin na sinabawan ng kape dahil ang ulam ko’y boneless na bangus (siempre bangus capital of the ‘pinas). Habang pinakikinggan ko ang kanta, tumatak sa isipan ko ang isang parte ng lirico nito, ang “What would you ask if you had just one question? ”. Tapos napa-isip ako, pa’no nga kung isang mortal na gaya natin ang Dios, gaya ng mga tao’ng nasasalubong natin sa may overpass at mga nakakasabay sa pagtawid sa pedestrian lane. Pa’no kung isa siya sa mga taong nakasalamuha at naka-daupang palad na natin. Pa’no kung may isang tanong ka, na maaring itanong sa kan’ya. Ano ang itatanong mo? Tatanungin mo ba siya kung totoo bang malas ang magwalis ng bahay kapag gabi? Kung mananalo ba si Noynoy sa 2010 election? Kung bakit nakalabas ang brief ng mga superheroes? Kung magkaka-anak ka ba ng tatlong sunod na lalaki at babaeng bunso dahil suwerte daw yun? Kung makakapasa ka ba board exam? Kung bakit kelangan pang tubuan ng tigyawat sa loob ng ilong? (ang sakit kasi! Amp!) at higit sa lahat kung totoo bang bading si Nostradamus at chorva lamang ang prediction niyang magugunaw na ang planet earth sa darating na 2012? Maraming katanungan, at tanging ang ating Dios Ama lamang ang makakasagot nian. Ikaw? “What would you ask God, if you had just one question?” Subukan’g magtanung, maki osyoso at malaman ang kasagutan ni lord. Malay mo, sabe nga ni Glowb “Making great things possible”, lakas mo sa globe... 😀