IN or OUT?

Ako si Chevybo/M/21/Pangasinan, hahaha. Parang nakikipag-chat lang. Pinalaki ng aking mga magulang ng me disiplina sa sarili at takot sa diyos (may kalokohan din, ssssshh.secret lang natin toh ha? ;p) Panganay sa tatlong magkakapatid. Me trabaho, nakikipag talastasan at nakikipag pataasan ng lebel ng kakulitan sa mga tumatawag na ibang lahi,siempre mula sa ibang lupalok ng daigdig. Walang normal na tulog, gising sa gabi at nakahimlay ang kaluluwa kapag dilat ang araw. Yan ang aking piniling propesyon. Pero hindi ako marunong mag ingles, pramis, basta makasagot lamang ako ng “Yes” at “Yeah” ok na!hahah.

Muntik ng hindi makapagblog dahil nuong isang taong gulang palang daw ako, kinumbulsyon ako dahil sa mataas na lagnat. nangitim, binuhusan ng malamig na tubig, dinala sa ospital, tinusok ng kung anu-ano, at siempre nakasurbayb. Pero hindi lang un, muntik-mutikan narin kaming lamunin ng lupa dahil dun sa malakas na lindol nu’ng taong 1990. Buti na lang medyo malakas ako kay “bro”, cute daw kase ako nuong baby pa.haha. Tampulan ako ng tukso nuon, dahil sa sungking ipin ko sa harapan at sa hindi normal na laki ng ulo ko (as in! parang may hydroceps! amp!). Sabe naman ng nanay ko, matalino daw ‘pag ganun, siya rin madalas magsabe saken na guwapo “daw” ako. Minsan tuloy naiisip ko, sakanya ko namana ang pagkasinungaling ko. hahaha. Pero, mahal na mahal ko yon. Kahit papiliin ako ng ibang nanay, siya at siya parin ang pipiliin ko. Siempre ganun din pagdating sa tatay ko. Sa mga kapatid ko naman, hmmmm. Sige na nga. hahaha. Pasimple kasi kung mang-hold up yung mga un eh. asar. tsk! Hindi ako uod pagdating sa mga libro, hindi gaya ng ibang blogger. pero me natapos na akong pocketbook! oha! Kanya-kanya lang namang trip yan eh, walang basagan ng trip!

Hindi man kame, kabilang sa mga pamilyang me marangyang pamumuhay, masaya kame kahit minsan nagsisigawan.(me pagkabingi kasi nanay ko) at nagkakatampuhan. Marami akong plano at pangarap para sa pamilya ko. Mahal ko sila, higit pa sa pagmamahal ko sa sarili ko. Dibale na’ko, basta meron sila. Yan ang motto ko. Mahilig akong makinig ng musika, mapa alternative rock payan, R&B, rap, classic love songs, classic rock o OPM basta trip ko. pakikinggan ko. Pero solid “tunog kalye” paren ako. Rakoon! yeah! Pero gaya nga ng sabe ni idol, “kung mahal mo ang musika, mahalin mo ang lahat ng nasasakupan nito” isa ka talagang henyo! still#1! idol! Mahilig akong kumain, sino ba naman ang di kahihiligan ang pagkain. Basta me kanin, at ulam sige lamon! hahaha. Marunong din akong tumipa ng mga strings ng gitara, pero hindi pa ako nasali sa essay contest. oha! konek na konek, at ang-gulo ng structure ng mga paragraphs ko, wala sa ayos mga pinag sasabe ko. Kaya pinagpapasalamat ko sa dios hindi ganun kakapal ang pagmumukha ko para salihan ang gan’ung klaseng mga patimpalak. hahaha. Madaldal ako (halata naman), at makulit. as in makulit (oo na, cute ka na). asar din at mahilig sa jokes. Mas madali kasi ang ngumiti, upang maitago ang problema. Ok naman ako, kapag matino. Pero mas ok si tado sakin, gaano kaya kakapal ang grado ng salamin nun?(curious lang) hahaha. ayoko sa taong plastik, mapagmataas, mata-pobre o matang-mayaman. Basta ko-boi/ko-girl ka. pasok ka! Are you IN? or OUT?.

Ako na nangangapa, ikaw na maaring umagapay, tayo na nagsasalo sa mundong ‘to. Ako ‘to , Ikaw yan, eto Tayo.

Advertisement